Ath hiu deras sasons en eth mié casau montanhós

Que i a un quauqu’arren de magic a cultivar eth noste casau. Atièu era prima que’s desvelha un dret mes tardièr, eras geladas que’s hen véger quan pensam qu’ei acabat. Mès que cau tostemps escotar era tèrra e era bohada dera montanha. Cada arrecòlta qu’ei mercé-s aths nostes esfòrçs e ara natura.

🍂 Er’automna : temps de doçor e de preparacion

Eras permèras colors caudas qu’appareishen, e un arritme tranquíl que s’installa. Qu’ei eth moment d’aprestar entà eth ivèrn.

Çò que podem hèr : 

• Arrecoltar mandòrras, carròtas, cogurlas e perqué pas deishar quauques porrets entà eths potatges dera fresca sason.
• Semiar o arrepicar eths darrèrs legumes deth ivèrn : espinacs, docetas, arrafles…
• Plantar alh, ceba, escalonha entà era prima seguenta.
• Eth casau que’s va cobrir tot sol de beròjas huelhas iranjas, com un isolant naturau.

☃️ Eth ivèrn : moment d’arrepaus, perfèit entà suenhar 

Plaça aras geladas e, dilhèu, a un chic de nèu entà cambiar eras colors dera nosta tèrra. Totun, er’activtat non s’estanca pas : eth casau qu’ei tostemps viu.

Çò que podem hèr : 

• Quauques legumes tilhós que poden sortir com eths porrets, eths caulets, era doceta.
• Moment essenciau e agradiu : aprestar era prima seguenta. Ara, tot qu’ei possible : que podem suenhar aras nostas plantacions, triar eras granas, preparar eths semís, arreparar eths utís.
• S’avem un eishut (sèrra o tunèl), eths permèrs semís son possibles : leitugas, espinarcs, arrafles… Entà eras tomatas arrojas, pebrons e auberginas, que cau un eishut caud !

🌷 Era prima : eth desvelh deth casau

Eras permèras arrespiracions deth casau que’s senteishen, tre qu’era tèrra s’escauha.

Çò que podem hèr : 

• Eths semís que’s poden commençar en tèrra plena : carròtas, blets arrois, napos, césers o espinarcs.
• Qu’arrepicam çò qu’avèvam botat en pòt entà prénguer doçament eth loé envol dinc’ara tèrra plena.
• Eras ièrbas aromaticas que’s poden semiar en tèrra, dab ua proteccion se n’i a pas encara tròp de calor.
• Tre junh, eras tomatas arrojas, pebrons, auberginas, cogurlas que seran de sortida.
• Eth arrosatge que deveng de mes en mes regular – non cau pas desbrembar-lo !

🌞 Eth estiu : pet de vita, de colors e de sabors

Eth casau qu’ei en plena espelida e plena produccion. Eths arrengs que s’emplean, eth vèrd qu’explosa e eths perhums qu’envadeishen eth aire.

Çò que podem hèr : 

• Fin finala, que podem minjar çò qu’avem creat : carròtas, cogurlas, tomatas arrojas, arrafles, mongetas, mandòrras… que s’amassan entà colorar eras nostas sietas.
• Eths semís d’arrafles, carròtas, mongetas o leitugas que son possibles entà aver arrecòltas escalonadas.
• L’aiga qu’ei hèra importanta ad aqueth moment – qu’ei primordiau d’adaigar era nosta produccion, pr’amor eth sòu ne s’estanca pas just davant eras nostas tomatas arrojas…
• Eth essenciau qu’ei de profieitar deth noste casau, qui a pres totas eras suas colors, plen de hlors e de bonas audors.

👩🏼‍🌾 Darrèr conselhòt casalèr : 

Hèr eth casau en montanha, qu’ei escríver ua istòria dab totas eras granas que son com de promessas, e cada cuelhuda qu’ei ua arrecompensa. Eras petitas brostas que tornan aperar aras nostas paciéncia e aplicacion, qui hèn era beutat e era sabor deth noste casau. 

Anaís Abadie

dab er’ajuda de Brunò Fourcade