Totas las gens que aiman un pauc la literratura fantastica e fantaisiósa coneissen Tolkien e sas òbras, o mai que mai sas òbras de mestre. Sonlo resultat de tota una vita d’escritura e d’amor per las lingas e d’una imaginacion de pas creure. John Ronuald Rueul Tolkien es nascut lo très de genier de mila uech cent quatre vint dotze.
Dabora, Tolkien aima beucòp las lingas, e de la literatura anglèsa. Dròlle, era passionat per las istòrias, los contes coma los nibelungen. Professor de linga e de vielh anglès, comença a escriure de las istòrias dins las annadas 1910, inventa doas lingas que son lo sindarin e lo quenya. En 1914 fuguet sus le front en França pendant la prumiera guerra mondiala. I viguet de las chausas plan òrras quelas-quí lo menerent a escriure per far quauquaren de son experiença dins sa chercha d’escriure d’istòrias.
Dins las annadas 1930, escriu « Bilbo Lo Hobbit » per sos dròlles mas lo libre circulet dins las mans de beucòp de monde per finalament chabar dins las d’un editor. Lo libre fuguet un succès, la Terra dau Mieg ente se passa l’istòria plaguet talament au monde que l’editor li demandet de ne’n far una seguida. Quo es aitau que dotze annadas mai tard en 1954 nasquet « Lo Senhor Daus Aneus ». Quò es un livre de 1400 paginas en 3 volumes. Queu livre conta la questa d’un hobbit o semi-òme que voliά destruir un aneu per fin que tombesse pas entre las mans dau senhor negre dau mau Sauron lo malefic. Dins sa questa, plusiors personatges vengueren l’adjudar, coma Sam Gamegie, Pippin e Merry que son tanben daus hobbits, Gandalf lo gris lo fachilier, Aragorn e Boromir los umans, Gimli lo nan, Legolas l’esfuec.Una comunautat de nòu que vai pitit a pitit s’amindrar après la rencontra de cifers,d’òrcas, de gobelins e d’autras monstres.
Las òbras de Tolkien nos montran mai qu’un simple univers fantastic, elas revelan una vision dau monde prundament umana, morala e poetica. Quo es lo combat dau ben contra lo mau, le desir dau poder, la corrupcion, la paur contra la resisténcia daus umiles. « Mesma la mai pita chausa pòt chamjar lo cors de l’avenir ».
Quo es tanben una critica de la modernitat desumanizanta, una mesa en valor de la beutat, de la bravator de la natura fàcia a la destruccion provocada per la tecnologia e l’aviditat. La nostalgia dau temps ancian que passa e que jamai se’n torne. Mais quand tots los espers semblan perduts, quand totas las clardats son tuadas, i a totjorn de l’esperança, totjorn una luor d’esper. Lo monde merita d’estre defendut, las valors dau coratge, de l’amistat e de la fidelitat nos monstran que las vertadieras valors residan dins la modestia.
Veiquí quauquas citacions :
“Aprener las lingas pren bassetz de temps quo es çò mesme per totas las chausas. que volem coneitre de la vita ».
« La sola chausa qu’avem a decidar es de que far dau temps qui nos es impartit ».
Per achabar, merces monsur Tolkien, merces per tot, merces de nos far raibar, de contribuar a melhorar las gens, que sián mai respectuos de la natura. Nos fai prendre consciéncia que las vertadiras valors de la vita, son l’amistat, lo respect e la simplicitat. Quo es lo caractari que podem tanben retrobar dins la linga occitana, l’arma de la terra, l’arma de quilhs gens que pòrtan l’amor d’una linga dins lors còrs e l’esper de novelum. Matèu e Monique Bissay
Laisser un commentaire