Editorial

Per aqueste tresen numerò de nòstre jornal vos convidam a embarcar amb nosautres dins un viatge ric e saborós. Avèm aquí cinc articles bèls, que nos menan d’un territòri a l’autre, coma una passejada sens presa de cap, guidats per la curiositat e la lenga.

De Mirapeis a Pirenèus, fins al CIRDÒC de Besièrs, ont siam estats aculhits amb fòrça gentilesa, cadun d’aqueles moments nos an ofèrt un agach novèl sus nòstre patrimòni. E ne profitam, plan segur, per mercejar totas las personas que nos an dubèrtas las pòrtas e que fan viure la cultura al cadajorn.

Lo viatge contunha amb un escapolon lingüistic entre Espanha e França, ont la lenga passa la frontièra sens jamai pèrdre son arma.

Aqueles articles nos remembran qu’una lenga es un espaci dubèrt, un pont, una circulacion constanta.

E per envelopar tot aquò, ven l’article sus los portaires de lutz — aqueles qu’a lor faiçon son portaires de paraula, de memòria e d’espèr. Coma se nòstra còla, per aqueste tresen jornal, aviá volgut portar sa beluga dins aqueste viatge collectiu.

Vos daissam descobrir aqueste numerò amb plaser, e esperam que, coma nosautres, vos daissaretz emportar per la diversitat e la beutat d’aquestas rencontras.

Bonna lectura, e bon viatge amb la còla !

Victòria Sòler